رثاء والدي رحمه الله

رثاء

الإسطورة

يُبه وينك أناديك؟
يُبه يافرحتي أبكيك..

طول العمر تناديني دكتورتك..
هذي فخري ..
هذي بنيتي..
وآنا مرايتك..

بنيتي كوني حرة..
وكلمتك لاتكسريها..
وحاولي مرة ومرة..
وبالأخير بتكسبيها..

"راحة البال اختيارك..
لاجدودك وكثر مالك.."
واسعي اسعي يافوادي..
باجتهادك لمي زادك..

فرحتي قبل المنية..
ترجعي لي بالسلامة..
في يدينك أغلى هدية..
شايلة علم وشهادة..

اربع سنين طويلة..
مدري والله كيف راحت؟
لايابنتي لاماهانت..
غربتك كانت صعيبة..

آه يايمه وين ابويه؟
فقدته كانت قوية..
بيته ساكن خالي بيته..
ينشد احبابه عن فقيده..

حتى الأغصان الرقيقة..
تنتظر يروي ظماها..
خايفة تذبل بدونه..
وتنتهي لا ماسقاها...

انتظرته..مالقيته..
وافتقدته..وبكيته..
ليت دمعي بيفيده..
ويرجع الغالي أريده..

مات أبوي ومن يجيبه؟؟
عندي بس وألمس جبينه..
وألمس الايد الحنونه..
وبحضني بس وابوس راسه..

ياغفور .. يارحيم..
ياسميع.. ياعليم..
رحمتك أرجوك..أرجو..
لوالدي حبي العظيم..

لااعتراض ياربي لأ..
بس فقدته كانت مصيبه..
"اسطورة" البيت وأساسه..
انتهت انتهت صارت قصيـــــدة!!


رثاء/منى الزهراني
2001